जिसलै अस इस्तेमाल कीते गेदे तेल दे बारे च गल्ल करने आं, तां अस आमतौर पर गल्ल करने आं जे एह् कुʼत्थै जंदा ऐ, इसगी किʼयां रीसाइकल कीता जाई सकदा ऐ, जां जिसलै इसगी गल्त तरीके कन्नै निपटाया जंदा ऐ तां केह् होंदा ऐ। पर क्हानी दा इक हिस्सा नेहा ऐ जिस पर अक्सर ध्यान नेईं दित्ता जंदा - ओह् लोक जेह् ड़े इसगी किट्ठा करदे न।
इस्तेमाल कीते गेदे तेल संग्रहकर्ता जमीनी स्तर पर कम्म करदे न, कार्यशालाएं, गैरेज, उद्योगें ते होर केई थाह्रें थमां तेल किट्ठा करदे न जित्थै एह् पैदा होंदा ऐ। इस्तेमाल कीते गेदे तेल गी उचित किट्ठा करने ते रीसाइक्लिंग श्रृंखला दे अंदर रक्खने दा उंʼदा कम्म इक महत्वपूर्ण हिस्सा ऐ। पर इस्तेमाल कीते गेदे तेल गी संभालने च बी जोखिम औंदा ऐ।
संग्रहकर्ताएं गी बी सुरक्षा दी लोड़ ऐ
इस्तेमाल कीता गेदा तेल ताजा तेल दे बराबर नेईं होंदा । इंजन जां मशीन च इस्तेमाल कीते जाने दे बाद, एह्दे च गंदगी, धातु दे कण, रसैनक अवशेष ते होर दुए संदूषक होई सकदे न। संग्रहकर्ता संग्रह, भंडारण जां परिवहन दे दरान एह्दे संपर्क च आई सकदे न।
स्हेई जानकारी ते बुनियादी सुरक्षा उपाएं दे बगैर, रोजमर्रा दी हैंडलिंग सेह्त सरबंधी चिंता बनी सकदी ऐ। इ'यै कारण ऐ जे इस्तेमाल कीते गेदे तेल संग्रहकर्ताएं दी सेह्त पर मता ध्यान देने दी लोड़ ऐ। उचत सुरक्षा उपकरणें दा इस्तेमाल करना, कंटेनरें गी सुरक्षत तरीके कन्नै संभालना जानना, रिसाव गी रोकना ते बेह्तर भंडारण प्रथाएं गी बनाई रक्खने जनेह् असान उपाऽ कुसै दे कम्म-ध्याड़े च असल फर्क पाई सकदे न।
सिखलाई कन्नै फर्क पेई सकदा ऐ
केईं संगैह् कर्मचारी अपने कम्म तजुर्बे राहें सिक्खदे न। व्यावहारक अनुभव कीमती ऐ, पर इसगी स्हेई जानकारी ते प्रशिक्षण कन्नै समर्थित कीता जाना चाहिदा। संग्रहकर्ताएं गी इस्तेमाल कीते गेदे तेल गी संभालने च शामल जोखिमें ते अपना कम्म करदे बेल्लै बरती जाने आह् ली सावधानियें गी जानना चाहिदा। लोड़ पौने पर उ'नेंगी बुनियादी सेह्त जानकारी ते मदद बी हासल होनी चाहिदी।
एह् भारत च गैर-रस्मी कूड़ा-करकट कम्मगारें दे कल्याण बारै व्यापक चर्चा दा इक महत्वपूर्ण हिस्सा ऐ। जमीनी स्तर पर कम्म करने आह्ले लोक अक्सर कूड़ा किट्ठा करने ते उनें'गी परतियै हासल करने च महत्वपूर्ण भूमिका निभांदे न, पर फ्ही बी उंदी सुरक्षा ते भलाई-बेहतरी दी बड़ी असानी कन्नै अनदिक्खी कीती जाई सकदी ऐ।
ज़िम्मेवार इस्तेमाल कीते गेदे तेल प्रबंधन च लोक शामल न
RUOMF लेई, ज़िम्मेवार इस्तेमाल कीते गेदे तेल प्रबंधन दा मतलब छड़ा इक वर्कशाप थमां इस्तेमाल कीते गेदे तेल गी रीसाइक्लर तगर पुजाना गै नेईं ऐ। एह्दे च शामल लोकें लेई कम्म गी सुरक्षत बनाने दे बारे च बी ऐ। कलेक्टर दे माध्यम कन्नैजागरूकता ते सिखलाई, सेह्त सरबंधी मदाद, तेसुरक्षा उपकरण, RUOMF इस्तेमाल कीते गेदे तेल किट्ठा करने च शामल लोकें दी मदद करने लेई कम्म करदा ऐ।
की जे पर्यावरण दी जिम्मेदारी कुसै दी सेह् त जां सुरक्षा दी कीमत पर नेईं होनी चाहिदी।
इस्तेमाल कीते गेदे तेल गी जिम्मेदारी कन्नै प्रबंधत करने दी लोड़ ऐ। ते इसगी संभालने आह्ले लोकें गी बी इस्सै चाल्ली दी दिक्खभाल ते ध्यान देने दी लोड़ ऐ।
